हासा अहिराणी म्हान ! (अहिराणी विनोद)

थंडीना दिवसस मझार रामपहारात कोना घर जान भी एक मोठ पाप रहास भो. 

त्या लाडू हानत रहातस अन आपू टपकी पडतस. 

नाक बिचारासनी धांदळ व्हई जास ना दपाड दपाड करानी. 

एएए कोन वन दपाड दपाड पटकन!! 

______________________________________ 

डोयाले धारा

लगिन व्हताच नवरा माल्हे 

लयी ऊना पूनाले 

सुख सगळा शेतस घरमा

तरी धारा लागतीस डोयाले ।

याद येस माहेर सासरनी

सपनमा देखस मि सगळासले

काम करतस त्या वावरमा

पाणी नही त्यासले पेवाले !

माय बोली ना आदर करा

  माय बोली ते माय बोली र्हास, कोणती बी उसनवार येल भाषा मा ती चव कोठे से.  

 

आते जो तो विंग्रजी म्हणतस का फांग्रजी म्हणतस तीज भाषा मा कोनले बी शुभेच्छा देतस पण काय माया पिरिम दिखस का त्यामा? आजीबात नाही कोणी मरणं का लगेज खाले लिखतस _R I P 😞🙏🏻💐💐 आणि आर्थ इचारा ते ९५ % नापास. आन मंग कायलेवाले बोलतस आरे जेनी तेनी भाषा मा व्यक्त व्हा! बोली दखा लिखी दखा एकदा.  

महिला दिन स्पेशल - ८ मार्च

 वरीसभर राबराब राबस तु 

एक ज दिन भेट्स तुले मान 

कितला आनण हुई तुले 

आसा रोज जर भेटी सम्मान.. 

कोणी माय, कोणी बहीण, 

कोणी बायको,कोणी तु आंडेर 

साक्षात देवी माय तु 

रूपे तुना खंडीभर.. 

काही काही भ्रष्ट पापी तुना 

एक दिन ज करतस जागर 

आन मांगे- पुढे तुनावर या 

ठेवतस पापी नजर.. 

पापी स्ना कंबरे मोडत तु 

चांगला इचार पेरत जाय 

मांगे फिरी तु दखु नको 

सदा पुढे चालत ऱ्हाय.. 

-विठ्ठल साळुंखे